संकल्प लामिछानेको परदेसि फर्की आउनेकी नामक गित को भिडियो शार्बजनिक

"सिनेमाले केवल पर्दामा कथा देखाउँदैन,
त्यो हाम्रो देशको संस्कृति, आवाज र सपना बोल्छ।
जब हामी आफ्नै कथामा विश्वास गर्न थाल्छौं,

तब बाहिरबाट पनि आँखा घुम्न थाल्छ — र सम्मान आउँछ।" 

नमस्कार दर्शकवृन्द,
तपाईंहरू अहिले हेरिरहनु भएको छ Cinema Nepal,
Sangam Film and Production House को प्रस्तुतिमा म बलकृष्ण खनाल,
आज पनि तपाईंहरूका लागि तीनवटा गम्भीर, ठूलो र चासोको समाचार लिएर उपस्थित भएको छु।

• पहिलो खबर — बलिउडको चर्चित खलनायक अब नेपाली फिल्ममा!

• दोस्रो — हाउसफूल ५ ले तोड्यो नेपालका सबै विदेशी फिल्मको कमाइ रेकर्ड।

• तेस्रो — महाराजधिराज फिल्मबाट पल शाहको बहिर्गमन!

यी सबैको विस्तृत जानकारी र विश्लेषण आजको यो कार्यक्रममा हुनेछ।
कृपया भिडियो अन्त्यसम्म हेर्नुहोला।

पहिलो प्रसङ्ग नेपाली दर्सक हरुलाई निकै रोमान्चित बनाउने खबर हो बलिवूड सुपर्स्टार अभिनेता प्रदिप रावत ले पुन नेपाली चलचित्र मा साइन गरेका  छन  हजुर  ‘गजिनी’ भिलेन प्रदीप रावत अब नेपाली फिल्म ‘आ बाट आमा’ मा देखा पर्ने भयका छन 

बलिउडको एक शक्तिशाली र क्यारेक्टर्समा गहिराइ ल्याउने अभिनेता प्रदीप रावत अब ह्रश्वा दिर्घ पछी पुन  नेपाली फिल्ममा देखा पर्न लागेका छन्।
हामी उनलाई ‘गजिनी’ फिल्ममा आमिर खानका मुख्य शत्रुका रूपमा चिन्छौँ। उस्तै प्रभावशाली भूमिकामा, उनी आउन लागेका छन् नेपाली फिल्म ‘आ बाट आमा’ मा।

भारतीय फिल्मका अभिनेता प्रदीप रावत आगामी नेपाली फिल्म ‘आ बाट आमा’मा अनुबन्धित भएका छन् । चन्द्र पन्तले निर्देशन गर्ने उक्त फिल्ममा रावत जोडिएको जनाइएको छ ।पन्तकै अघिल्लो फिल्म ‘ह्रस्वदीर्घ’बाट रावतले नेपाली फिल्ममा डेब्यु गरेका थिए । पन्तले विज्ञप्ति जारी गर्दै रावतले आफूले निर्देशन गर्ने आगामी फिल्म साइन् गरेको जनाए ।

उनले भने, ‘आ बाट आमा’मा प्रदीप रावतलाई अनुबन्ध गरेका छौं । उहाँ यो फिल्ममा पल शाहको बुबाको भूमिकामा देखिनुहुनेछ । नितान्त नेपाली लोकमा नेपाली स्टाइलको भुमिका निवार्ह गर्दै हुनुुहन्छ ।’नेपाली फिल्ममा काम गर्न आफू उत्साहित रहेको उनले बताए । अघिल्लो फिल्म ‘ह्रस्व दीर्घ’मा रावतले नीता ढुंगानाको बुवाको भूमिकामा अभिनय गरेका थिए ।

यसअघि यो फिल्ममा विपना थापा र शाह अनुबन्धित छन् । पन्तकै निर्देशनमा बनेको फिल्म ‘ह्रस्वदीर्घ’बाट विपनाले १६ वर्षपछि नेपाली रजतपटमा पुनरागमन गरेकी थिइन् ।फिल्मको पटकथा अभिमन्यु निरवीले लेखेका हुन् । भदौदेखि छायांकन तयारी छ । कलाकार र प्राविधिकको टुंगो छिट्टै लाग्ने निर्देशक पन्तको भनाई छ ।थिम पोस्टर दुई साता अघि सार्वजनिक भएको थियो । निर्देशक पन्तले यो फिल्मको प्रदर्शन मिति समेत तोकिसकेका छन् । उनका अनुसार यो फिल्म आगामी फागुन १५ गतेबाट प्रदर्शनमा आउने छ ।

यस फिल्मको शीर्षक नै अत्यन्तै भावुक र गहिरो छ — ‘आ बाट आमा’। यो कुनै साधारण कथावस्तु होइन, आमाको ममता, त्याग र परिश्रमलाई गहिरो ढंगले चित्रण गर्ने फिल्म हो। निर्देशकका अनुसार, "हामीले यस्तो अभिनेता खोजिरहेका थियौं जसले केवल अभिनय होइन, ती भावना पनि पर्दामा उतार्न सकोस्। प्रदीप रावत त्यसका लागि एकदम उपयुक्त छनोट हुन्।"

फिल्मको छायांकन इलाम र काठमाडौंमा गरिनेछ। मध्यम बजेटको भए पनि फिल्मको प्रोडक्सन स्तर भने अन्तर्राष्ट्रिय स्तरको बनाइने दाबी गरिएको छ।
प्रदीप रावत स्वयंले पनि भनेका छन्, “नेपालको फिल्ममा काम गर्ने मौका पाउँदा गर्व लागिरहेको छ। यहाँको कथामा मौलिकता छ, जुन मलाई मन पर्छ।”

यस किसिमका कलाकारहरू नेपाली फिल्ममा आउनु भनेको केवल स्टार पावर होइन,
नेपालको फिल्म क्षेत्र अब ग्लोबल मञ्चमा आफूलाई प्रस्तुत गर्न सक्षम भएको संकेत हो।

त्यसै गरी बलिवूड चलचित्र हाउस्फुल ५ नेपाल मा पनि हाउस्फुल नै भयको छ हो हाउसफूल ५ — २०२५ मा नेपालमा सबैभन्दा धेरै कमाउने विदेशी फिल्म

काठमाडौं । बलिउड फिल्म ‘हाउसफूल ५’ सन् २०२५ मा नेपाली बक्सअफिसमा अहिलेसम्म सर्वाधिक कमाउने विदेशी फिल्म बनेको छ । विहिबारसम्म सरकारको आधिकारिक बक्सअफिसमा यो फिल्मको कमाइ ३ करोड नाघेको छ ।

सन् २०२४ मा नेपाली बक्सअफिसमा सर्वाधिक कमाउने फिल्मको रुपमा भारतीय फिल्म ‘पुष्पा २’ थियो । यो फिल्मले २६ करोड ४४ लाख रुपैयाँ कमाएको थियो ।अघिल्लो वर्ष ‘कल्की’ले नेपालमा १२ करोड ५७ लाख, ‘स्त्री २’ले ८ करोड ११ लाख नेरु कमाएका थिए ।सन् २०२५ मा रिलिज भएको टम क्रुज स्टारर हलिउड फिल्म ‘मिसन इम्पोसबल ८’ले अहिलेसम्म नेपाली बक्सअफिसमा १ करोड नेरुभन्दा कम कमाइ गरेको देखिएको छ ।

नेपालका सिंगल स्क्रिनदेखि मल्टिप्लेक्ससम्म — हरेक शो हाउसफूल।
त्यो पनि यस्तो बेला जब नेपाली फिल्महरू आफैं बजार सम्हाल्न संघर्षरत छन्।

यसको सफलताका पछाडि केही विशेष कारण छन् —
सबभन्दा पहिले, फिल्मको कथा रमाइलो छ, हास्य, एक्शन र इमोशनको सन्तुलन छ।
दोस्रो, अक्षय कुमारको नेपालमा अझै पनि ठूलो फ्यानबेस छ।
तेस्रो, फिल्मको प्रचार पनि नेपालमै गरियो — प्रमोशनल शोहरू, सोशल मिडिया स्ट्राटेजी, युट्युबमा ट्रेन्डिङ ट्रेलरले दर्शकलाई तान्यो।

अब प्रश्न उठ्छ — के नेपाली फिल्मका लागि यस्तो विदेशी फिल्म खतरनाक हो त?
उत्तर: हो पनि, होइन पनि।

हो — यदि हामीले स्तर नउठायौं भने।
होइन — यदि हामीले यही सफलताबाट प्रेरणा लियौं भने।

यो फिल्मले हामीलाई सिकाउँछ — दर्शक रमाइलो कथा, राम्रो अभिनय र गुणस्तरीय प्रस्तुति खोज्छन्, त्यो नेपाली होस् या विदेशी।

त्यसै गरी अभिनेता पल साह का बारेमा यौटा ठुलो खबर बाहिरियको छ उनि अनुबन्धित भयको चलचित्र महाराज धिराज बाट बाहिरियका छन हो तपाइले ठिक सुन्दै हुनुहुन्छ  पल शाह बाहिरिए ‘महाराजधिराज’ फिल्मबाट — निर्माता र कलाकारबीचको सम्झौता अन्त्य भयको छ 

निर्माणको तयारीमा रहेको फिल्म ‘महाराजधिराज’मा अब अभिनेता पल शाह नरहने भएका छन् । उनीसँग फिल्मलाई लिएर भएको सम्झौता अन्त्य गरिएको घोषणा निर्माण पक्षले गरेको छ । बिहीबार फिल्मका प्रस्तुतकर्ता विराज विष्टले सामाजिक सञ्जालमा एक सूचना जारी गर्दै आपसी सहमतिमा दुई पक्षबीचको सम्झौता अन्त्य गरिएको जनाएका छन् । 

सूचनामा भनिएको छ, ‘छत्रेश्वरी म्यानेजमेन्ट र यहाँ (पल शाह)बीच ‘महाराजधिराज’ निर्माणका लागि २०८१ कात्तिक १४ गते भएको सम्झौतालाई दुवै पक्षको आपसी सहमतिमा आजका मितिदेखि औपचारिक रूपमा अन्त्य गरिएको जानकारी गराउन चाहन्छौँ ।’

सम्झौताको अन्त्यसँगै अब फिल्मको विषयलाई लिएर दुवै पक्षबाट कुनै पनि प्रकारको कुराकानी नहुने समेत सूचनामा उल्लेख छ । ‘यदि कुनै पक्षबाट यो विषयलाई उचालेर कुनै आर्थिक वा सामाजिक हानि-नोक्सानी हुन गएमा सोको जिम्मेवारी सम्बन्धित पक्षले बेहोर्नेछ भनी हामी दुवै पक्ष कबुल गर्दछौँ,’ सूचनामा भनिएको छ । 

गत माघमा पलको क्यारेक्टर लुक्स सार्वजनिक गर्दै ‘महाराजधिराज’को निर्माण घोषणा गरिएको थियो । तर, छायांकनको संघारमा आएर फिल्मबाट पल अलगिएका छन् । अब उनको ठाउँमा निर्माण पक्षले कसलाई लिन्छ भन्ने चासो उब्जिएको छ । पल अलगिए पनि फिल्ममा रमेश उप्रेती, आर्यन सिग्देल, पुष्प खड्का, वर्षा राउत, वर्षा सिवाकोटी लगायतका कलाकार यथावत् छन् । 

यसपालिको दशैंको फूलपातीमा रिलिज लक्ष्य राखिएको फिल्मलाई परिच्छेद सेनले निर्देशन गर्नेछन् । यसमा उनी स्वयंको लेखन रहेको छ । उनले यसअघि निर्देशन गरेको फिल्म ‘प्रेमगञ्ज’ समीक्षात्मक रुपमा अब्बल ठहरिएको थियो । छत्रेश्वर म्यानेजमेन्टको ब्यानरमा निर्माण हुन लागेको फिल्मको लगानीकर्तामा टोपेन्द्र विष्ट, चक्रबहादुर केसी र रवि खड्का रहेका छन् ।

यो खबरसँगै नेपाली फिल्म जगतमा हलचल मच्चिएको छ।
पल शाहका हजारौँ फ्यानहरू निराश छन्, किनभने उनी फिल्मको ट्रेलर वा पोस्टरको हिस्सा बन्नुअघि नै बहिर्गमनको खबर आएको हो।

किन भयो त यस्तो?
यो पूर्ण रूपमा स्पष्ट गरिएको छैन, तर अनुमान गरिन्छ — डेट म्याच नहुनु, अन्य कमिटमेन्ट, वा भित्री व्यवस्थापनका समस्या हुन सक्छन्।

अब अर्को महत्वपूर्ण प्रश्न — ‘महाराजधिराज’ को मुख्य भूमिका कसले गर्ने?
निर्माताले हाल नाम खुलाएका छैनन्, तर नयाँ अनुहार वा अर्को ए-लिस्ट अभिनेता हुनसक्ने चर्चा छ।

फिल्मलाई यो परिवर्तनले असर पार्न सक्छ, तर यो फेरि नयाँ अवसर पनि हुन सक्छ।
जसरी एक कलाकार जान्छन्, अर्को आउन सक्छ — तर दर्शकको विश्वास भने बनाइराख्नुपर्छ।

आजको यी तीन खबरहरूले एउटा कुरा स्पष्ट पारे —
नेपाली सिनेमा अब केवल आफ्नै चौकोभित्र सीमित छैन।
अहिले हामीकहाँ बलिउड कलाकार आउँदैछन्, बलिउड फिल्मले बक्स अफिस कब्जा गरिरहेका छन्,
र नेपाली कलाकारहरू पनि गम्भीर निर्णयमा संलग्न भइरहेका छन्।

अब समय आएको छ — हामी आफैंमा विश्वास गर्न, हाम्रो कथा, हाम्रो स्तर र हाम्रो सिनेमामा लगानी गर्न।
त्यही बेला नेपाली फिल्म पनि ‘हाउसफूल’ हुनेछ — देशभित्र मात्र होइन, विदेशसम्म पनि।

यदि तपाईंलाई आजको Cinema Nepal मन पर्यो भने,
हाम्रो च्यानल Sangam Film and Production House लाई सब्सक्राइब गर्न नबिर्सनु होला।
तपाईंहरूको माया र साथले नै हामीलाई अझ राम्रा र विश्वसनीय कार्यक्रम ल्याउन प्रेरणा मिल्दछ।

भोलि फेरि भेट्नेछौं — नयाँ खबर, नयाँ समीक्षा र नेपाली सिनेमाको नयाँ अध्याय लिएर।
नेपाली फिल्मलाई बुझौं, हेऱौं र माया गरौं।
धन्यवाद!