"सिनेमा मनोरञ्जन मात्र होइन, समाजको ऐना हो । तर जब मनोरञ्जनकै नाममा समाजमा विग्रह ल्याउने सामग्री प्रस्तुत हुन्छ, तब प्रश्न उठ्छ— के यो सिर्जनात्मकता हो कि उक्साहट? आज हामी केही यस्तै गम्भीर र चासोका विषय लिएर प्रस्तुत भएका छौं— सिनेमा नेपालमा म बलकृष्ण खनाल।"
"सिनेमा मनोरञ्जन मात्र होइन, समाजको ऐना हो । तर जब मनोरञ्जनकै नाममा समाजमा विग्रह ल्याउने सामग्री प्रस्तुत हुन्छ, तब प्रश्न उठ्छ— के यो सिर्जनात्मकता हो कि उक्साहट? आज हामी केही यस्तै गम्भीर र चासोका विषय लिएर प्रस्तुत भएका छौं— सिनेमा नेपालमा म बलकृष्ण खनाल।"
🟠 मुख्य समाचारहरू
दुर्गेशको नयाँ गीतले २४ घण्टामा मच्चायो धूम,
कोमल वलीको ‘सुनिदेऊ शिव’ले दर्शक रुवायो,
छविको निर्मातामाथिको गुनासो: कलाकारको लोभले डुबाउँदैछ नेपाली सिनेमा!”
चलचित्र ‘एक्का तीन’ निर्माणको घोषणा
समाचारहरू विस्तृतमा:
हिन्दी फिल्म ‘उदयपुर फाइल्स’लाई नेपालमा रिलिज नगर्न मुस्लिम समुदायको आग्रह
भारतीय फिल्म ‘उदयपुर फाइल्स : कन्हैयालाल टेलर मर्डर’लाई नेपालमा रिलिज नगर्न नेपालका मुस्लिम समुदायले सरकारसँग आग्रह गरेका छन् ।
मुस्लिम आयोग र चलचित्र विकास बोर्डमा पत्र लेख्दै उनीहरूले फिल्मले नेपालको शान्तिलाई हानी पुर्याउन सक्ने बताइएको छ ।फिल्ममा पैगम्बर मोहम्मदको अपमान गरेको, मदरसा र मुस्लिम शिक्षक तथा मुस्लिम विद्यार्थीलाई बदनाम गरेको, हिन्दु-मुस्लिम दंगा देखाइएको जनाउँदै फिल्म रोक्न माग गरिएको हो ।
‘हाम्रो देशमा हिन्दु र मुस्लिम सबै धर्मका मानिसहरू मिलेर बस्छन् । यस्ता चलचित्रले हाम्रो देशको शान्तिलाई हानि पुर्याउन सक्छन्’ पत्रमा उल्लेख छ, ‘त्यसकारण, हामी मुस्लिम आयोगलाई हाम्रो देश नेपालमा यो फिल्म रिलिज नगर्न नेपाल सरकारलाई तुरुन्तै अपिल गर्न अनुरोध गर्दछौं ।’बोर्ड अध्यक्ष दिनेश डीसीले पनि पत्र आफूकहाँ आइपुगेको जनाउँदै यसप्रति ध्यानाकर्षण भएको अनलाइनखबरलाई बताए । ‘उहाँहरूले नेपालमा फिल्म आइहाले रोक लगाउन भन्नुभएको छ’ उनले भने ।
भारतमा भने यो फिल्म शुक्रबारदेखि प्रदर्शनमा आएको छ ।
यो क्राइम थ्रीलर फिल्मलाई एस श्रीनात र जयन्तसिंहले निर्देशन गरेका हुन् । जसलाई अमितजानीले निर्माण र रिलायन्स इन्टरटेनमेन्टले वितरण गरेका छन् ।यसले राजस्थानको उदयपुरमा सन् २०२२ मा भएको दर्जी कन्हैया लालको वास्तविक जीवन र क्रूर हत्यालाई नाटकीय रूपमा प्रस्तुत गर्दछ । नुपुर शर्मालाई समर्थन गर्ने सामाजिक सञ्जाल पोस्टको बदला लिने आरोप लगाइएको कथावस्तु यसमा छ ।
सिसन बानियाँलाई लिएर नयाँ गीत निकालेका दुर्गेशको धमाका, २४ घण्टा मै २२ लाखभन्दा बढीले हेरे
दुर्गेशले यो पटक भ्लगर सिसन बानियासँग समेत सहकार्य गरेका छन् । गीतमा दुर्गेशसहित सिसन र अल्हाजी गेरो (विदेशी नागरिक)को आवाज रहेको छ । गीत दुर्गेशले नै लेखका हुन् भने म्युजिक भिडियोमा दुर्गेश, सिसन र गेरोसहित गुराँस नानीको अभिनय रहेको छ । गीतले अहिले युट्युबको नम्बर १ ट्रेन्डिङ कब्जा गरिसकेको छ भने विदेशका कतिपय देशमा समेत ट्रेन्डिङमा रहेको बताएको छ । नेपालमा छोटो समयमै यति धेरै भ्युज हुने गीतको रेकर्ड पनि दुर्गेशकै गीतले बनाएको बताइएको छ ।दुर्गेशको गीतले विदेश यात्रा, आधुनिक जीवनशैली र भौतिक सम्पन्नताप्रतिको आकर्षणलाई मुख्य सन्देश बनाएको छ ।
कोमल वलीले ल्याइन् तीज गीत ‘सुनिदेऊ शिव
र्ष दिनको तीज आयो
गाउँछु तीजका गीत त
फेरि पनि पुकार गर्छु महादेवसित
बसेकै छु तीजमा व्रत
गरेकै छु धर्म
अब त सुन्देऊ शिव
यो चेलीको मर्म
लोकगायिका कोमल वलीले आउँदो तीजलाई लक्षित गर्दै नयाँ गीत ‘सुनिदेऊ शिव’ युट्युबमा सार्वजनिक गरेकी छन् ।बुधबार सार्वजनिक गीतको शब्द, संगीत र स्वर कोमलको आफ्नै छ । हरेक वर्ष भिन्न मर्म र शैलीका तीज गीत ल्याउने कोमलले यसपटक शान्त र भावुक गीत ल्याएकी छन् ।
गीतमार्फत एक चेलीले तीजमा धर्मअनुसार व्रत बसेर महादेवसँग मनको मर्म सुनाइदिन आग्रह गरेकी छन् । भाकामा शान्त लय छ र शब्दमा सरलता, जसले गीतलाई धार्मिक भावनासँग जोडेको छ ।कुनै झिलिमिली भिडियो वा चम्किला शब्द नभई गीतमा आत्मीयता र भक्ति झल्किन्छ ।
वलीले अघिल्ला वर्षमा ल्याएको ‘पोइला जान पाम’, ‘तीजमा रमाइलो’, ‘बोल्नेलाई बोल्न देऊ’ निकै चर्चित रहे । लोकसंगीत मात्र होइन, संचारकर्म र राजनीतिमा पनि उनी उत्तिकै सक्रिय छिन् ।
दाङमा जन्मिएकी वलीको सांगीतिक यात्रा २०४६ सालमा रेडियो नेपालको लोकगीत प्रतियोगिताबाट सुरु भएको हो । त्यसपछि उनले रेडियो नेपालमा झण्डै २३ वर्ष समाचारवाचन, कार्यक्रम सञ्चालन र प्रस्तुति कार्यमा बिताइन् ।गीतसंगीतसँगै सञ्चार र सार्वजनिक जीवनमा सक्रिय रहेकी उनी केहीवर्ष देखि राजनीतिमा पनि सक्रिय छिन् । ‘सुनिदेऊ शिव’मार्फत उनले फेरि एकपटक तीजको गहिरो पक्ष दर्शाउने प्रयास गरेकी छन् ।
चलचित्र ‘एक्का तीन’ निर्माणको घोषणा
यसपटक चलचित्रमा एक्सन, सस्पेन्स र बलियो कथा रहेको निर्देशक तामाङको भनाई छ । आफूले यसअघिका चलचित्रमा गरेका कमीकमजोरीलाई समेत सच्चाएर यो चलचित्र निर्देशन गर्ने तामाङले बताए। चलचित्रकाे छायाङ्कन चाँडै नै सुरु हुनेछ ।
“सिनेमा नेपालबाट म बलकृष्ण खनाल बिदा चाहन्छु। यो भिडियो मन परेमा लाइक, सेयर र सब्सक्राइब गर्न नबिर्सनु होला। फेरि भेटौंला अर्को एपिसोडमा, नमस्कार!”
Comments
Post a Comment