फिल्म निर्माणमा फर्किँदै छवि ओझा

निर्माता छविराज ओझा चार वर्ष पछि फिल्म निर्माणमा फर्किँदै छन् l

आफ्नो ५७औँ जन्मदिनको अवसरमा उनले नयाँ फिल्म एक गीत रेकर्ड गराएका छन् l गीतमा प्रविशा अधिकारी र डेविड शंकरको स्वर रहेको छ भने दीपक शर्माको शब्द तथा संगीत छ । नाम सार्वजनिक नगरिएको उक्त फिल्मको हाल स्क्रिप्टमा काम भैरहेको छ l यस फिल्मको निर्देशन भने नवराज शर्माले गर्दै छन् । यसअघि नारी प्रधान फिल्म बनाएको भए पनि यस पटक युवापुस्तालाई लक्षित गर्दै फिल्म बनाउने निर्माण टिमको भनाइ छ l अबको दुई महिनापछि छायांकन सुरु हुने फिल्मको कलाकार छनोट कार्य पनि चाँडै सुरु हुँदै छ l ओझाले पछिल्लो पटक निर्माण गरेको फिल्म ‘मंगलम’ हो ।जुन फिल्मले  बक्स अफिसमा राम्रो व्यापार गरेको थियो l