संकल्प लामिछानेको परदेसि फर्की आउनेकी नामक गित को भिडियो शार्बजनिक

“दर्शकवृन्द,
कहिलेकाहीं पर्दा अगाडि देखिने कला मात्र होइन,
पर्दा पछाडिको सोच, संघर्ष र संकल्प नै साँचो प्रेरणा हुन्छ।
आजको सिनेमा नेपालमा देखिएका पाँचवटा कथा —
यी केवल समाचार होइनन्, यी हाम्रा समाजका प्रतिबिम्ब हुन्।

रेखा थापा, जसले शिवभक्तिको माध्यमबाट ‘साउन’ लाई आत्मचिन्तनको समय भनिन्।
त्यसै अभिनेत्री, जब क्रोधित दुर्गामाताको रूपमा तीज गीतमा देखा पर्छिन्,
हामी बुझ्छौं — नारी केवल सजावट होइन, परिवर्तनको अग्रदूत हो।

अर्कोतर्फ, अभिनेता जीवन लुइँटेलले नाटक ‘शिरीषको फूल’ मार्फत जीवनका संवेदना मञ्चमा बोकेका छन्,
जहाँ साहित्य बोल्छ, अभिनय धड्किन्छ।

त्यति मात्रै होइन, चलचित्रकर्मी पुरुषोत्तम प्रधान —
छायांकन मात्र होइन, इतिहासको रक्षा पनि गर्छन्।
६० वटा स्क्रिप्ट बुझाएर, उनले प्रमाणित गरे —
कला केवल आजको लागि होइन, भावी पुस्ताका लागि अमूल्य धरोहर हो।

र अन्त्यमा, माग्ने बुढाको गीत —
‘म त सुतेर उठेको पैसामा’ —
यो केवल हास्य होइन, यथार्थप्रति व्यंग्य हो।
हामी सबै उठेर आफूलाई प्रश्न गरौं —
के मपनि आफ्नै मेहनतको कमाइमा बाँचेको छु?

 “नमस्कार दर्शकवृन्द!

संगम फिल्म एण्ड प्रोडक्सन हाउसको प्रस्तुति,
सिनेमा नेपाल कार्यक्रममा तपाईंलाई स्वागत छ।
म हुँ तपाईंको साथमा, बलकृष्ण खनाल।

कलाकार मात्र पर्दामा होइन, समाजको मुटुमा बस्छ।
साउनको यो पवित्र महिनामा, हामी सबैले आफ्नो आत्मालाई पनि एकपल्ट अभिनय गर्न सिकाऔं —
सत्य, शुद्धता र संवेदनाका साथ।

आज हामी ल्याएका छौं नेपाली फिल्म क्षेत्रमा भइरहेका पाँचवटा विशेष खबरहरू,
जहाँ कला, संस्कृति, आध्यात्मिकता, संगीत र प्रेरणाले एकसाथ पाइला चालेका छन्।
सुनौं, हेरौं, र साथसाथै महसुस गरौं नेपाली सिने क्षेत्रको धड्कन...
शुरू गरौं आजको कथा यात्रा!”

1

कान्तिपुर फिल्म एकेडेमीले मञ्चन गर्न लागेको दोस्रो नाटक ‘शिरीषको फूल’को पहिलो झलक सार्वजनिक गरिएको छ ।यो नाटकमा अभिनेता जीवन लुइँटेल सुयोगवीर, अभिनेत्री सनिशा भट्टराई सकम्बरी र अभिनेता राज न्यौपाने शिवराजको चरित्रमा देखिएका छन् ।नाटकको रिहर्सलबाट प्राप्त तस्वीरमा यी तीनैजना कलाकारलाई उनीहरूको चरित्र देख्न सकिन्छ । पारिजातको चर्चित उपन्यास ‘शिरीषको फूल’मा आधारित यस नाटकको लेखन तथा निर्देशन पत्रिका घिमिरेले गरेकी हुन् ।नाटक साउन ८ गते बिहीबारदेखि साउन महिनाभरि प्रत्येक दिन साँझ ५ः३० बजे कान्तिपुर थिएटर, गैह्रीधारा (कान्तिपुर फिल्म एकेडेमी परिसर) मा मञ्चन हुनेछ ।

2

अभिनेत्री रेखा थापा साउन महिनाको पहिलो सोमबार पशुपतिनाथ मन्दिरमा पुगिन् । उनी त्यहाँ आयोजित पशुपति मनोकामना पूर्ति तथा संकट मोचन महायज्ञमा सहभागी भइन् ।उनले त्यहाँ आध्यात्मिक प्रवचन पनि गरिन् । साउन महिना आफ्नो मन र आत्मा चिन्ने मौका रहेको उनले बताइन् उनले भनिन्, ‘मन, आत्मा चिन्ने बेला पनि हो यो एक महिना । हामीले आफूलाई रुपान्तरण गर्ने र आफ्नो हृदयलाई पखाल्ने, आफ्नो हृदयसँग साक्षात्कार गर्ने एउटा महत्वपूर्ण अवसर हो साउन महिना ।’साउन महिनालाई हृदय स्वच्छ पार्ने मौसमको रुपमा पनि लिन सकिने उनले बताइन् । साउन महिनामा शुद्ध शाकाहारी भोजन खानुपर्ने उनको भनाई छ ।भन्छिन्, ‘साउन महिनामा शुद्ध शाकाहारी खानुपर्छ भनिन्छ, किनभने, भोजनले विचार उत्पादन गर्छ । यो समय आफूले आफूलाई राम्रोसँग चिन्ने अवसर हो ।’उनले साउन महिनालाई धार्मिक आँखाबाट मात्र नहेरेर, आफूलाई परिमार्जन गर्ने अवसरको रुपमा पनि हेर्नुपर्ने उनको धारणा छ । ‘उपासना, आराधना र साधना हाम्रो जीवनमा, हाम्रो हृदयमा रुपान्तरण गर्नुछ’ भन्छिन्, ‘आराध्यदेव शिवजीको उपासनाले हाम्रो हृदय पखालिन्छ । हाम्रो मन मस्तिष्क शुद्ध हुन्छ । हृदय शुद्ध हुन्छ ।’यसकारण साउन महिनालाई हृदय स्वच्छ पार्ने मौकाको रुपमा पनि लिन सकिने उनले बताइन् । ‘हामी गहना र लुगा लगाएर को राम्री देखिने हिसाबले पनि म आफै पनि गर्छु । यो एक महिना हामीले मानव जीवनमा गरेका त्रुटीहरू, पापहरु यी सब कुरा मनन गर्ने मौसम पनि हो साउन महिना’ उनले भनिन् ।सो अवसरमा रेखालाई पुष्प वर्षाले सम्मान पनि गरियो । केही दिनयता कलाकार धमाधम उक्त महायज्ञ पुगिरहेका छन् । आइतबार अभिनेता सरोज खनाल पनि पुगेका थिए ।

3

प्रकाश सपुतको तीज गीत ‘नाइँ भनेसी नाइँ’को पहिलो झलक सार्वजनिक भएको छ । फस्टलुक पोस्टरमा रेखा थापालाई दुर्गामाताको अवतारमा देख्न सकिन्छ ।हातमा त्रिशुल बोकेर क्रोधित मुद्रामा देखिएकी रेखा दुर्गामाताको रुपमा आकर्षकरुपमा प्रस्तुत छिन् । रोचक कुरा के छ भने, पहिलोपटक रेखाले म्युजिक भिडियोमा अभिनय गरेकी हुन् ।गायक सपुतले रेखालाई आफ्नो म्युजिक भिडियोमा प्रस्तुत गरेर दर्शकलाई ठूलै सरप्राइज दिएका छन् । ‘यसपाली तीजमा हरामीहरूका विरुद्ध सुपरस्टार रेखा थापा’ लेखिएको छ ।‘नाइँ भनेसी नाइँ’ बोलको गीतमा शब्द संगीत प्रकाशकै छ भने स्वर समीक्षा अधिकारी र एलिना चौहानको छ । साउन १६ गते गीत रिलिज हुने गलबन्दी प्रोडक्सनले जनाएको छ ।महिला हिंसा, अन्याय र अत्याचारविरुद्धका कथावस्तुमा हामीले रेखालाई देख्दै आएका छौं । ‘महिलाले नो भन्न सिक्नुपर्छ भन्ने हो । जहाँ नारीको सवाल आउँछ, त्यहाँ रेखा थापा उभिन्छ’ रेखाले भनिन् ।समीक्षा र एलिनाविरुद्धका हिंसामा पनि रेखाले आफूलाई उभ्याउँदै आएकी थिइन् । कास्टिङको हिसाबले पनि प्रकाश सपुतले शब्द र संगीतलाई न्याय दिन खोजेको देखिन्छ ।

4

छायांकन पुरुषोत्तम प्रधानले एकैदिनमा ६० फिल्मको पटकथा चलचित्र विकास बोर्डलाई बुझाएका छन् ।सोमबार बोर्ड पुगेर उनले अध्यक्ष दिनेश डीसीलाई स्क्रिप्ट बुझाए । सो अवसरमा बोर्ड अध्यक्ष डीसीले नेपाली चलचित्रको समृद्ध इतिहास संरक्षणको लागि अमूल्य उपहार हुने बताए ।‘पटकथा नै चलचित्रको आत्मा हो । यी स्क्रिप्ट संरक्षित गर्नाले भविष्यका चलचित्रकर्मीका लागि प्रेरणा र शोधको स्रोत बनेको छ’ उनले भने ।पटकथा हस्तान्तरण गरिएका फिल्ममा छक्कापञ्जा ३, कबड्डी १–२–३, लुट १ र २, नाई नभन्नू ल १, २, ४ र ५ छन् । साथै, लप्पन छप्पन १ र २ छन् ।अन्य फिल्ममा दासढुङ्गा, झोले, ड्रिम्स, राजा रानी, जय भोले, मायाज् वार कृ, फिटकिरी, उमा, प्रेमगीत २, तान्द्रो, होमवर्क, थ्री लभर्स, कमला, सिग्नेचर, जय होस्, ऐँचो–पैँचो, ६ एकान ६, द विनर, मेरी मञ्जु, महाजात्रा, लक्का जवान, मेरो एउटा साथी छ, आईएमसरी, रातो टीका निधारमा, चपली हाइट ३, इकु, कान्छी, कार्साङ लगायतका फिल्म छन् ।केही फेस्टिभलमा अवार्ड जितेका फिल्मका पटकथा पनि छन् । अध्यक्षमा नियुक्त भएलगत्तै अध्यक्ष डीसीले पटकथा संग्रहालय स्थापना गरेका थिए । सोही अभियानअन्तर्गत बोर्डले पटकथा मागिरहेको छ ।अहिलेसम्म बोर्डमा २०० भन्दा धेरै फिल्मले पटकथा बुझाएको अध्यक्ष डीसीका सचिवालय संयोजक जनक खड्काले बताए ।

5

आगामी भाद्र ६ गतेबाट प्रदर्शनमा आउने  ‘माग्ने राजा’को दोस्रो गीत ‘म त सुतेर उठेको पैसामा’ सार्वजनिक गरिएको छ ।सोमबार राजधानीमा आयोजित एक कार्यक्रमका बिच सार्वजनिक गीतमा फिल्मका मुख्य कलाकार केदार घिमिरे (माग्ने बुढा), विल्सन विक्रम राई (तक्मे बुढा) र बाल कलाकार रोनिश खड्का फिचर्ड छन् ।बाबुल गिरीको संगीत, शब्द र स्वर रहेको गीतको एरेन्ज समेत उनकै छ । गिरीलाई चाइल्ड भर्सनमा सिनेमाका कलाकार समेत रहेका रोनिश खड्काले गायनमा साथ दिएका छन् । गम्भीर विष्टको कोरियोग्राफी गीतमा छ ।फिल्मलाई ऋषि लामिछानेले निर्देशन गरेका हुन् । उनले यश मार्फत करिब ८ वर्षपछि निर्देशनमा कमव्याक गरेका छन् । फिल्मको प्रस्तुतकर्ता तथा निर्माता मुनाल घिमिरे हुन् ।‘इच्छा’ रिलिजको लामो समयपछि उनी फिल्म निर्माणमा फर्केका हुन् । निर्माता घिमिरे हाल दाङको घोराही उपमहानगरपालिका वडा नम्बर ४ का वडा अध्यक्ष समेत हुन् । आरम्भ प्रोडक्सनको ब्यानरमा निर्माण भएको फिल्ममा केदार र वर्षासहित पुष्कर गुरुङ, शिशिर वाङ्देल, शारदा गिरी र टिकटकर मोडल पवित्रा साकी उर्फ मिस पबीको अभिनय छ । नरेन्द्र मैनालीले खिचेको फिल्ममा अभिनेता आर्यन सिग्देलको पनि विशेष भूमिका रहेको छ । आरआर फिल्मस्ले वितरण गर्ने फिल्ममा सामीप्य राज तिमल्सेनाको कथा, पटकथा तथा संवाद र दीपक शर्मा बाबुल गिरीको संगीत रहेको छ । 

“हाम्रा कलाकारहरू —
कोही आध्यात्मिक पथमा, कोही न्यायको अवाजमा, कोही मञ्चमा बोल्दै, कोही स्क्रिप्टको रक्षा गर्दै!
यसैले त सिनेमा मात्र पर्दाको कथा होइन —
यो हो हाम्रो समाजको ऐना, हाम्रो संवेदना, हाम्रो आन्दोलन।

आज सिनेमा नेपालले देखायो —
कसरी एउटा कलाकारले समाजको चेतना बोक्छ,
र कसरी एउटा निर्देशकले शब्दलाई इतिहास बनाउँछ।

यस साउन, तपाईँ पनि एकपल्ट आत्मालाई प्रश्न गर्नुहोस् —
‘के म रूपान्तरणको लागि तयार छु?’

“आजको सिनेमा नेपाल यहीँ टुंगिन्छ।
सांस्कृतिक, आध्यात्मिक र रचनात्मक प्रस्तुतिहरूलाई उजागर गर्न हामी फेरि आउनेछौं,
नयाँ ऊर्जा, नयाँ कथा र नयाँ प्रेरणासँग।

संगम फिल्म एण्ड प्रोडक्सन हाउसको तर्फबाट म बलकृष्ण खनाल,
तपाईंलाई धन्यवाद दिन चाहन्छु।
सबै समाचार पाउनको लागि हाम्रो युट्युब च्यानल Cinema Nepal लाई Like, Share र Subscribe गर्न नभुल्नु होला।

सिनेमा हेर्ने आँखाले मात्र होइन, बुझ्ने हृदयले हेर्नुहोस्।
जय नेपाल, जय नेपाली सिनेमा!”