संकल्प लामिछानेको परदेसि फर्की आउनेकी नामक गित को भिडियो शार्बजनिक

 "सफलता त्यति टाढा हुँदैन, जब तपाईंको सपना तपाईंलाई निदाउन दिँदैन।

नेपाली फिल्म उद्योगमा पनि यस्तै सपनासहित कलाकारहरू दिनरात मिहिनेत गरिरहेका छन् — र ती सपनाहरू नै हाम्रो चलचित्रलाई नयाँ उचाइमा पुर्‍याउने आधार हुन्।"

नमस्कार, म बलकृष्ण खनाल, तपाईंहरू अहिले हेरिरहनुभएको छ Cinema Nepal,
Sangam Film & Production Houseको प्रस्तुति।
आज हामी नेपाली फिल्म जगतका केही चर्चित र ताजा समाचार लिएर आएका छौं — जसमा छ फिल्म ‘जनै हराएको मान्छे’का मुख्य अभिनेता विजय बरालको दबाब र चुनौतिहरू, लोकगायिका विष्णु माझीको नयाँ तीज गीत, अभिनेत्री दीपाश्री र नीताको दशकपछि भएको सहकार्य, टिकटकर आभाको फिल्म ‘कश्यप’बाट डेब्यु, र फिल्म उद्योगका अन्य महत्वपूर्ण अपडेटहरू।

📌 [हेडलाइन]

१️⃣ फिल्म ‘जनै हराएको मान्छे’का मुख्य अभिनेता विजय बरालको दबाब र चुनौतिहरू।
२️⃣ लोकगायिका विष्णु माझीको नयाँ तीज गीत ‘म त नराउरी’।
३️⃣ दशकपछि अभिनेत्री दीपाश्री र नीताको सहकार्य ‘पार्वती’।
४️⃣ टिकटकर आभा ढुंगानाको फिल्म ‘कश्यप’बाट डेब्यु।
५️⃣ ‘नाइ भनेसी नाइ’ पछि प्रकाश सपुत संकटमा? हिट गीतका गायकको करियर किन ओरालो लाग्यो।

All News

फिल्मको लगानी सुरक्षित गर्नुपर्ने भार बोकेको छु : विजय बराल

‘जनै हराएको मान्छे’ फिल्मबारेका जति पनि समाचार आइरहेका छन्, त्यहाँ नछुटेको कुरा हो- ‘पूर्णबहादुरको सारंगी’पछि विजय बरालको कमब्याक फिल्म ।यो कुराले आफूलाई निकै दबाब परिरहेको महसुस यतिबेला विजयले गरिरहेका छन् । अनलाइनखबरसँगको कुराकानीमा उनले भने, ‘सर्वकालिन ब्लकबस्टर पूर्णबहादुरको सारंगी भन्ने शब्द सुन्ने वित्तिकै निकै प्रेसर महसुस भैरहेको छ ।’समाचारमा पनि ‘पूर्णबहादुरको सारंगी’पछि आउन लागेको भन्दै लेख्न थालिएपछि भने भार महसुस भएको उनले बताए । ‘अलिकति भार भन्ने हुने रहेछ । लिड क्यारेक्टर भएकाले यो सोच आउने रहेछ’ उनले भने ।विजयले यतिबेला मुख्यतः दुईवटा चुनौति फेस गरिरहेका छन् । पहिलो- पूर्णबहादुरको सारंगीको पात्रलाई नयाँ पात्र सीतारामले चिर्ने र दोस्रो- फिल्मले लगानी सुरक्षित गरिदिएला कि नगर्ला भन्ने ।‘यो फिल्मले लगानी कसरी सुरक्षित गर्ला भन्ने चुनौति मैले फिल गरिरहेको छु’ उनले भने । उनी ‘जनै हराएको मान्छे’को शिल्प र मनोविज्ञान भिन्न रहेको बताउँदै शीर्ष कलाकारको रुपमा आफूले भार खेप्नु स्वभाविक हुने बताए ।‘नयाँ, फरक र गजब काम यसमा भएको छ’ आगामी फिल्मबारे उनले भने, ‘अब दर्शक कति आइदिनुहुन्छ भन्ने अनुमानको कुरा हो । दर्शकले फिल्म हेरेपछि कनेक्ट महसुस गर्नुहुन्छ जस्तो लाग्छ ।’‘सबैले पूर्णबहादुरको सारंगीपछिको विजय बरालको फिल्म भन्नुभएको छ’ उनले भने, ‘लगानी सुरक्षित गरिदिनुपर्छ भन्ने भार महसुस गरेको छु । त्यही भएर अहिले प्रचारप्रसारमा जुटेको छु ।’उनले ‘जनै हराएको मान्छे’ धर्म संस्कृतिभन्दा पनि सम्बन्धको कथा रहेको बताए । विजय अहिले तिहारको भाइटीकामा रिलिज हुने फिल्म ‘वरिष्ठ बलराम’को स्वरांकनमा ब्यस्त छन् ।भदौ ९ गतेदेखि उनको नयाँ फिल्म ‘मालती मंगले’ छायांकनमा जाँदैछ । असोज ३ मा उनको फिल्म ‘जारी २’ रिलिज तयारीमा छ । दशैं टीकाको भोलिपल्ट ‘कबड्डी ५’ छायांकनलाई मुस्ताङ लाग्नेछ ।‘जनै हराएको मान्छे’ भदौ ६ गतेदेखि प्रदर्शन तयारीमा छ ।

विष्णु माझीले ल्याइन् तीज गीत ‘म त नराउरी’

सार्वजनिकरुपमा नदेखिने गायिका माझीका गीतलाई लिएर हरेक तीजमा प्रतीक्षा हुने गर्छ । सामाजिक संजालका कतिपय प्रयोगकर्ताले माझीले गीत नल्याएसम्म वास्तविकरुपमा तीज नआउने भन्दै टिप्पणी गरिरहेका हुन्छन् ।लोक तथा दोहोरी गायिका विष्णु माझीले नयाँ तीज गीत बुधबार युट्युबमा सार्वजनिक गरेकी छन्यसवर्षको उनको गीत ‘म त नराउरी’ बुधबार बिहान रिलिज भएको हो । गीतलाई ’पुतलीको भट्टी’ भाग २१ श्रृंखलाको रुपमा प्रस्तुत गरिएको छ ।गीतमा उनका श्रीमान सुन्दरमणि अधिकारीको शब्द तथा संगीत छ । भिडियोमा गत वर्षकै गीत ’आइनँ आमा यो तीजमा’की मोडल ललिता पौडेलले निरन्तरता पाएकी छन् । ६० जना कोरस डान्सर छन् ।नृत्य निर्देशन मौसम हिमालीले गरेका हुन् । छायांकन शम्भु चालिसेको छ भने सम्पादन प्रविन भट्टको छ ।सार्वजनिकरुपमा नदेखिने गायिका माझीका गीतलाई लिएर हरेक तीजमा प्रतीक्षा हुने गर्छ । सामाजिक संजालका कतिपय प्रयोगकर्ताले माझीले गीत नल्याएसम्म वास्तविकरुपमा तीज नआउने भन्दै टिप्पणी गरिरहेका हुन्छन् ।याँ गीतमा पनि उनका प्रशंसकको टिप्पणी त्यस्तै छ । नयाँ गीतलाई लिएर मिश्रित प्रतिक्रिया छ । कतिपयले उत्कृष्ट र मर्मस्पर्शी रहेको बताइरहेका छन् भने कतिपयले विगतका गीतजस्तो नरहेको प्रतिक्रिया दिइरहेका छन् तरपनि, माझीको नयाँ गीतले पक्कै पनि प्रशंसकलाई तीज माहोल सिर्जना गर्ने कुरा पक्का छ । नयाँ तीज गीतमा पनि विष्णुले उही नारीको वेदना, माइतीको याद र संघर्षका कुरा गरेकी छन् ।

दशकपछि दीपाश्री र नीताको सहकार्य तय, साइन् गरिन् ‘पार्वती’

 फिल्म ‘पार्वती’मा अभिनेत्री तथा निर्देशक दीपाश्री निरौला अनुबन्धित भएकी छन् ।निर्मात्री तथा निर्देशक नीता ढुंगानासँग निरौलाको लिखित सहमति भएको छ । निर्माताले पठाएको इमेलमा दीपाश्री र नीताबीच समझदारी भएको देख्न सकिन्छ ।यसअघि दीपाश्रीले नीताको फिल्म खेल्ने चर्चा लामो समयदेखि भैरहेको थियो । मंगलबार चाहिँ यी दुईबीच लिखित सहमति भएको छ ।‘उहाँ मेरो प्रोजेक्टमा हुनु मेरो लागि ठूलो कुरा हो’ नीताले भनिन् । साइन गरेपछि दीपाश्रीले १२ वर्षअघि नीतासँगको सहकार्यको स्मरण गरिन् ।२०७० सालमा रिलिज भएको फिल्म ‘६ एकान ६’मा दीपा र नीताले सहकार्य गरेका थिए ।‘अहिले यो साउनको महिना । शिव-पार्वती जोडिएको महिना र पार्वती जस्तो फिल्ममा लिड रोलमा मौका पाएँ । धन्यवाद, मलाई सम्झेकोमा’ उनले भनिन् ।यसैसाता चर्चित डान्स ग्रुप ‘कार्टुन्ज क्रू’का सरोज अधिकारी सहायक निर्देशकको रूपमा अनुबन्धित भएका थिए ।फिल्म आगामी माघ १ गतेदेखि प्रदर्शनमा आउनेछ । फिल्ममा नीता, दीपाश्रीबाहेक अन्य कलाकारको नाम भने खुलाइएको छैन ।दीपाश्रीको कुरा गर्दा, उनले पछिल्लोपटक फिल्म ‘छक्कापञ्जा ५’ निर्देशन गरेकी थिइन् 

‘कश्यप’मार्फत फिल्ममा डेब्यु गर्दै टिकटकर आभा

चर्चित टिकटकर आभा ढुंगाना फिल्म अभिनयमा देखिने भएकी छन् ।फिल्म ‘कश्यप’ मार्फत उनले अभिनयमा डेब्यु गर्न लागेकी हुन् । निर्देशक दिनेश जी खड्काले फिल्मका लागि ढुंगाना छानिएको जानकारी दिए । कथाअनुसार पात्र छनोटको अडिसनमा आभाको प्रतिभा तथा परफर्मेन्सलाई ध्यानमा राखेर फिल्मका लागि छानिएको निर्देशक खड्काले बताए । फिल्ममा छनोट भएसँगै आभा फिल्मको एक्सन दृश्यका लागि विशेष प्रशिक्षणमा समेत जुटेकी छन् । फिल्ममार्फत बालकलाकार रिद्दी खत्रीले पनि नेपाली रजतपटमा डेब्यु गर्न लागेकी छन् । उनी पनि अडिसनमार्फत चयन भएकी हुन् । ‘फिल्मको कथा, गीत–संगीत र सम्पूर्ण पक्षलाई उत्कृष्ट बनाउन निर्माण टोलीले अत्यन्तै मिहिनेत गरिरहेको छ । मलाई विश्वास छ कश्यपले दर्शकहरूलाई मनोरञ्जन मात्र होइन, राम्रो सन्देश पनि दिनेछ,’ छनोटपछि ढुंगानले भनिन् ।फिल्मको केही अगाडि फस्ट लुक्स सार्वजनिक गरिएको थियो । जसमा अभिनेता सविन श्रेष्ठ देखिएका थिए । एक्सन, प्रेम र म्युजिक विषयमा निर्माण हुने फिल्मको छायांकन तयारी भइरहेको छ । फिल्मको छायांकन डेट र अन्य कलाकार केही दिनमा सार्वजनिक गर्ने निर्माण युनिटले जनाएको छ ।

[समाचार ५ – ‘नाइ भनेसी नाइ’ पछि प्रकाश सपुत संकटमा?]

नेपाली लोकपप र सामाजिक चेतनामूलक गीतका कारण सर्वाधिक चर्चित गायक बनेका प्रकाश सपुत पछिल्लो समय निरन्तर असफलताका कारण चर्चामा मात्र होइन, विवादमा पनि परेका छन्। एक समय बजारमा ल्याएको गीतले एकैदिन लाखौं भ्युज बटुल्ने, हप्तौंसम्म युट्युब ट्रेन्डिङको शिखरमा रहने र स्टेज शोमा दर्शकलाई तान्ने सपुतको करियर अहिले ओरालो लागेको चर्चा सर्वत्र छ।

प्रकाश सपुतको करियरमा ठूलो मोड ल्याउने घटना भनेको उनले आफ्नै कथा, निर्देशन, संगीत र अभिनयमा बनाएको चलचित्र ‘बसन्त’ हो। उनले यो परियोजनामा ठूलो लगानी मात्र गरेनन्, बरु यसलाई आफ्नो अभिनय क्षमता प्रमाणित गर्ने मौका पनि ठाने। तर, ‘बसन्त’ बक्स अफिसमा असफल भयो, जसको आर्थिक र मानसिक दुवै असर सपुतमा परेको देखिन्छ। फिल्म फ्लप भएपछि घर नै बेचेर ऋण तिर्न बाध्य भएको समाचारले उनको आर्थिक संकट सार्वजनिक गरिदियो।

यसपछि उनले ‘नाइ भनेसी नाइ’ गीतमार्फत पुनः कमब्याक गर्ने प्रयास गरे। तर, यो गीत पनि अपेक्षित सफलता दिलाउन सकेन। ११ दिनमा मात्र ९ लाख भ्युज पाउनु, उनीकै अघिल्ला हिट गीतहरू (जसले यति समयमै करोड भ्युज पार गर्थे) सँग तुलना गर्दा निकै कम हो। यसले दर्शकसँगको उनको सम्बन्ध कमजोर बन्दै गएको स्पष्ट संकेत दिन्छ।

पत्रकार सन्तोष देउजाले आफ्नो टिप्पणीमा प्रकाशको पछिल्लो असफलताको कारणहरू खुलाएका छन्। उनका अनुसार—

• प्रकाशले आफ्नो सफलताको मुहानलाई बिर्से।

• दर्शकसँगको नजिकको सम्बन्ध टुटायो।

• महोत्सवमा प्रस्तुति दिन इन्कार गर्दै आयोजकसँग दूरी बढाए।

• पारिश्रमिक अस्वाभाविक रूपमा बढाए।

• आफूलाई सेलिब्रेटी सावित गर्ने हर्कतले जनताको मनमा दूरी बढायो।

सबैभन्दा ठूलो गल्ती, देउजाको शब्दमा, अभिनयको ‘नक्कली भूत’ सवार हुनु हो। केही नायिकासँग एउटै पर्दा सेयर गरेपछि आफूलाई नायक ठान्ने भ्रममा उनी फसे। गायकको पहिचान बनाउने लोकधुन र सामाजिक मुद्दा बोलेका गीतहरूबाट टाढिँदै उनले अभिनयमा हात हाले, जुन दर्शकले रुचाएनन्।

अहिलेको अवस्थालाई ‘मुहान सुक्नु’ र ‘खडेरी पर्नु’सँग तुलना गरिएको छ। एक समय लाखौंको मन जित्ने कलाकार, अहिले भ्युजका लागि संघर्षरत छन्। यो परिस्थितिबाट बाहिर निस्कनका लागि प्रकाश सपुतलाई फेरि आफ्नो पुरानो शैली, जनताको मन छुने गीत र सादगीतर्फ फर्किनुपर्ने आवश्यकता देखिन्छ। सफलताको शिखरमा पुगेपछि माटो नबिर्सनु कलाकारको दीर्घकालीन यात्राको मुख्य आधार हो भन्ने कुरा उनको कथाले फेरि स्मरण गराएको छ।

आजको Cinema Nepalमा यति नै।

कलाकारको सपना, संगीतको मिठास, र नयाँ प्रतिभाको जोश — यी नै हाम्रो चलचित्रको शक्ति हुन्।
तपाईंलाई कुन समाचार सबैभन्दा रोचक लाग्यो? तल कमेन्टमा लेखिदिनुहोला।

हामीलाई साथ दिनुहोस् —
👍 लाइक गर्नुहोस्,
🔄 शेयर गर्नुहोस्,
📌 सब्सक्राइब गरेर नोटिफिकेसन बेल दबाउनुहोस्,
ताकि हामी ल्याउने हरेक नयाँ भिडियो तपाईंको स्क्रिनमा सबैभन्दा पहिला पुगोस्।