संकल्प लामिछानेको परदेसि फर्की आउनेकी नामक गित को भिडियो शार्बजनिक

 "सपना देख्ने मात्र हैन, त्यो पूरा गर्ने आँट राख्नुपर्छ। कलाको संसारमा त्यही आँटले कलाकारहरूलाई नयाँ उचाइमा पुर्याउँछ। आज हामी तपाईंलाई लैजानेछौं नेपाली सिनेमाको नवीनतम अपडेट र चर्चित खबरहरूमा, जहाँ कला, संघर्ष र सफलता एकैसाथ भेटिन्छन्।"

"स्वागत छ ‘Cinema Nepal’ मा – तपाईंलाई नेपाली फिल्म उद्योगका ताजा अपडेटहरू पुर्याउने हाम्रो नियमित कार्यक्रम। म हो, बलकृष्ण खनाल। आज हामी तीनवटा ठूला खबर लिएर आएका छौं। सुरु गरौं आजको पहिलो मुख्य समाचारबाट।"

१. दशैं लगत्तै ‘कबड्डी ५’को छायांकन मुस्ताङमा

२. सुशील र अञ्जनाको एक्सन फिल्म ‘परिवर्तन’ इन्डक्ल्याप

३. धिरज र उपासनाको ‘जलाकी’को दुई पोस्टर सार्वजनिक

४. पल शाहको भावनात्मक अभिव्यक्ति – समिक्षा र दुर्गेशबारे

दशैं लगत्तै ‘कबड्डी ५’को छायांकन मुस्ताङमा, शीर्ष कलाकार दोहोरिने

चर्चित फिल्म फ्रेन्चाइजी ‘कबड्डी’को पाँचौ श्रृंखलाको छायांकन दशैं लगत्तै सुरु हुने भएको छ ।निर्माता तथा निर्देशक रामबाबु गुरुङले अनलाइनखबरलाई यसबारे जानकारी दिए । उनका अनुसार दयाहाङ राई, मिरुना मगरसहितका शीर्ष कलाकारले निरन्तरता पाउनेछन् ।केही कलाकार हेरफेर हुनसक्ने उनले बताए । ‘शीर्ष कलाकार दोहोरिनेछन् भने बाँकी केही कलाकार हेरफेर हुनसक्छन्’ गुरुङले भने ।अभिनेता विजय बरालले पनि दशैं टीकाको भोलिपल्टदेखि नै आफूहरू छायांकन थलोमा जाने तयारी भैरहेको बताए । ‘टीकाको भोलिपल्टै हामी मुस्ताङतिर हिँड्ने कुरा छ’ उनले भने, ‘तिहार पछिसम्मै हामी उतै सुटिङमा ब्यस्त हुनेछौं ।’यतिबेला निर्देशक समेत रहेका रामबाबुले फिल्मको स्क्रिप्ट लेखिरहेका छन् । कबड्डीका अघिल्ला चारै श्रृंखलाले घरेलु बक्सअफिसमा उछाल कमाइ गरिसकेका छन् ।यसबाहेक, बाँसरी फिल्म्सको अर्को बहुप्रतीक्षित फिल्म ‘जारी’को दोस्रो श्रृंखला संविधान दिवसको अवसरमा असोज ३ गतेदेखि प्रदर्शन हुने तयारीमा छ ।

सुशील र अञ्जनाको एक्सन फिल्म ‘परिवर्तन’ इन्डक्ल्याप

फिल्म ‘परिवर्तन’को छायांकन सकिएको छ । निर्माता दीपक सिवाकोटीका अनुसार फिल्मका दुई गीतबाहेक मूल दृश्यको छायाङ्कन सोमबार सकिएको हो ।अब फिल्ममा समावेश गरिने एक राष्ट्रिय गीत र एक लोकगीतको मात्र छायाङ्कन बाँकी रहेको जानकारी उनले दिए ।झापाका बुद्धशान्ति गाउँपालिका, कचनकवल गाउँपालिका, भद्रपुर नगरपालिका, अर्जुनधारा नगरपालिका, कन्काईमाई नगरपालिका, बिर्तामोड, मेचीनगर नगरपालिकासहित विराटनगरमा खिचिएको हो ।विजय केरुङ निर्देशित यो फिल्ममा सुशील श्रेष्ठ र अभिनेत्री अञ्जना बराइलीको शीर्ष भूमिका छ । गौतम तिवारी सूर्यवंशी, बुद्धि तामाङ, करिश्मा मानन्धर लगायतको पनि अभिनय छ ।यसअघि अभिनेता सुशील श्रेष्ठको एक्सन फोटो बाहिरिएको थियो । एक्सन हिरोको रूपमा परिचय बनाएका श्रेष्ठको यो फिल्म प्रतीक्षित छ ।दिब्यासी फिल्म्स प्रालिको ब्यानरमा दीपक सिवाकोटीले निर्माण गरेको यस फिल्ममा सीमा सुरक्षा, भ्रष्टाचार र नागरिक पीडालाई चित्रण गरिएको छ ।पटकथा तथा संवाद शिवम अधिकारीले लेखेका हुन् । निर्माताले २०८२ सालभित्रै प्रदर्शन गर्ने जनाएका छन् ।

चलचित्र ‘जलाकी’को दुई पोस्टर सार्वजनिक

अभिनेता धिरज मगर र अभिनेत्री उपासना सिंह ठकुरीको मुख्य भूमिका रहेको चलचित्र ‘जलाकी’को फष्टलुक सार्वजनिक गरिएको छ ।सोमबार निर्माण पक्षले चलचित्रको फष्टलुक्सको रूपमा दुई पोस्टर सार्वजनिक गरेको हो । सार्वजनिक दुई पोस्टरमा धिरज र उपासनालाई रोमान्टिक अवतारमा प्रस्तुत गरिएको छ ।अशोक थापामगरको निर्देशन रहेको चलचित्रमा धिरज र उपासनाका साथै  सोनम तोप्देनका पनि मुख्य भूमिका छन् ।त्रिकोणात्मक प्रेम कथामा आधारित चलचित्रमा शिल्पा मास्के, माओत्से गुरुङ, बुद्धि तामाङ, अस्तित्व भट्टचन, संगीता थापा मगर, राजु रेग्मी मगर, खड्क बहादुर पुन (खबपु) रहेका छन् । अन्य कलाकारहरूको छनौट कार्य भइरहेको निर्माण पक्षले जानकारी दिएको छ ।चलचित्रका निर्माताहरूमा ओम घर्ती मगर, वीर बहादुर लामा, चन्द्र बहादुर भट्टचन, बेताने मगर (बबिता राना), मान बहादुर धनाह मगर र सुस्मिता बुढाथोकी रहेका छन् ।चलचित्रकाे पहिलो चरणको छायाङ्कन सकिएको छ, भने दोस्रो चरणको छायाङ्कन २१ गतेबाट हुँदैछ । फिल्ममा  महेश बराल तथा एसडी योगी र सरित राईको संगीत रहनेछ । 

४. पल शाहको भावनात्मक अभिव्यक्ति – समिक्षा र दुर्गेशबारे

"अभिनेता तथा गायक पल शाह नेपाली मनोरञ्जन क्षेत्रका सबैभन्दा चर्चित कलाकारमध्ये एक हुन्। लामो समयपछि खुलेर दिएका उनका अभिव्यक्तिहरू अहिले सामाजिक सञ्जालमा निकै भाइरल भइरहेका छन्। एक अन्तर्वार्तामा बोल्दै उनले आफ्नो मनको कुरा पोख्दै भनेका छन् –
‘समिक्षाको गायन र स्वरको हिसाबले मलाई सधैं राम्रो लाग्छ। उसले गाएका गीतहरूले नेपाली संगीत उद्योगलाई नयाँ ऊर्जा दिएको छ। गीतप्रति उसको लगाव र आवाजमा रहेको मिठास साँच्चै प्रशंसा योग्य छ।’
पलले केवल समिक्षाको प्रशंसा मात्र गरेनन्, उनले कलाकार दुर्गेश थापाप्रति पनि आफ्नो सम्मान प्रकट गरे। दुर्गेशबारे बोल्दै उनले भने –
‘जीवनमा साथी भन्नु एउटा ठूलो कुरा हो। सुखमा धेरै साथ दिने हुन्छन्, तर दु:खमा साथ दिने साथी दुर्लभ हुन्छ। दुर्गेश ती दुर्लभ साथीमध्ये एक हुन्। मलाई जतिबेला साथ चाहिन्छ, दुर्गेश सधैं अगाडि उभिन्छ। त्यो नै हाम्रो सम्बन्धको बलियो आधार हो।’
यी अभिव्यक्तिहरूले सामाजिक सञ्जालमा चर्चाको तरंग ल्याइरहेका छन्। धेरै फ्यानहरूले पलको यो इमानदार बोलाइलाई मन पराएका छन्। कतिपयले त यो मित्रताको उदाहरणलाई आजको प्रतिस्पर्धी मनोरञ्जन उद्योगमा दुर्लभ मानिरहेका छन्। कलाकारबीच यस्तो सकारात्मक सम्बन्ध र एक-अर्काप्रतिको सम्मानले नेपाली फिल्म र संगीत क्षेत्रमा नयाँ सन्देश दिएको छ।
फ्यानहरूले समिक्षा, पल र दुर्गेशलाई एकसाथ देख्ने अपेक्षा पनि व्यक्त गरेका छन्। के भविष्यमा यी तीनै कलाकार एउटै प्रोजेक्टमा काम गर्नेछन् त? त्यो समयले बताउनेछ। तर अहिले भने, पलका यी भावनात्मक शब्दहरूले धेरैलाई छोएको छ।"

"यी थिए आजका प्रमुख फिल्मी अपडेटहरू। तपाईलाई कुन खबर सबैभन्दा रोचक लाग्यो? कमेन्ट गरेर भन्नुहोस्।
यो नै हो ‘Cinema Nepal’ – नेपाली सिनेमाको यथार्थ र रोचक संसारको प्रतिविम्ब। म बलकृष्ण खनाल, बिदा लिन्छु। हाम्रो युट्युब च्यानल Sangam Film and Production House लाई Subscribe गर्नुहोस्, Share गर्नुहोस् र बेल आइकन दबाउन नबिर्सनुहोस्। अर्को एपिसोडमा फेरि भेटौंला। तबसम्मका लागि नमस्कार।"